නාඋල පොලිස් වසමේ ලේනමිය ප්‍රදේශයේ නිවසක, ඊයේ (ඔක්. 6) උදෑසන කැපුම් තුවාල සහිතව පුද්ගලයෙකු සිහිසුන්ව වැටී සිට තිබේ.

ඒ අනුව, ලද තොරතුරක් මත පොලිස් නිලධාරීන් එහි ගොස් අදාළ පුද්ගලයා දඹුල්ල රෝහල වෙත ඇතුළත් කිරීමට පියවර ගෙන ඇති අතර ඔහු ඒ වන විටත් මිය ගොස් සිටි බව පොලිසිය පැවසීය.

මරණකරු වයස අවුරුදු 38ක නාඋල, ලේනමිය ප්‍රදේශයේ පදිංචිකරුවෙකි.

මෙය මනුෂ්‍ය ඝාතනයක් බවට පොලිසිය සැක කරනු ලබන අතර, නාඋල පොලිසිය වැඩිදුර පරීක්ෂණ මෙහෙයවයි.