අද (25) දහවල් මාවනැල්ල අන්වාරම ප්‍රදේශයේදී කොළඹ - නුවර මාර්ගයේ සිදුවූ බස් අනතුරකින් කාන්තාවක් මියගොස් ඇති බව පොලීසිය පැවසීය.

වංගුවක් සහිත ස්ථානයකදී ලංගම බස් රථයක් තවත් ලංගම බස් රථයක් ඉස්සර කර ඉදිරියට ධාවනය වන විට ඉදිරියෙන් පැමිණි පෞද්ගලික බස් රථයක ගැටීමෙන් එම අනතුර සිදුවිය.

ඉන් තුවාල ලැබූ 38 දෙනෙක් මාවනැල්ල රෝහලට ඇතුළුකර තිබූ අතර ඉන් 05 දෙනෙක් බරපතළ තුවාල ලබා සිටි බව රෝහල් ආරංචි මාර්ග පැවසීය.

මරණකාරිය 67 හැවිරිදි කෑගල්ල මොලගොඩ ප්‍රදේශයේ පදිංචිව සිටි විශ්‍රාමික ගුරුවරියකි.